Türkmənistan Moskvaya uçuşları bərpa edir

12 Dekabr 2023 13:52

Bəyəndim (0) Bəyənmədim (0)

Dekabrın 15-dən Türkmən Hava Yolları Aşqabad-Moskva-Aşqabad marşrutu üzrə müntəzəm uçuşları bərpa edəcək. Bu barədə aviaşirkətin rəsmi saytında məlumat verilib.

Bundan əvvəl, 2023-cü ilin avqustunda Türkmənistanın dövlət aviaşirkəti “Moskva hava zonasındakı hava vəziyyəti, habelə uçuşların təhlükəsizliyini təmin etmək məqsədilə risklərin qiymətləndirilməsi əsasında” Aşqabaddan Moskvaya uçuşları dayandırıb və onları Kazana köçürüb.

Ukrayna Silahlı Qüvvələrinin pilotsuz uçan aparatların Rusiya paytaxtına endirdiyi zərbələrdən sonra aviaşirkət uçuşların təhlükəsizliyindən narahat olub.

Türkmən Hava Yolları ilə yanaşı, Türkmənistandan Rusiyaya (Moskva-Aşqabad-Moskva) uçuşları Rusiyanın S7 aviaşirkəti həyata keçirir.