Süni intellekt ilk dəfə qanun layihəsi hazırlayıb

Braziliyada bələdiyyə şurasının üzvü qanun layihəsini süni intellektlə yazıb. Mətn 36 deputatdan ibarət parlament tərəfindən qəbul edilərək qanuna çevrilib.

Braziliya süni intellektlə yazılmış mətnin qanuna çevrildiyi ilk ölkə olub. Ölkənin cənubundakı Porto Aleqre şəhərində oğurlanmış su sayğaclarının dəyişdirilməsi xərcləri ilə bağlı qanun layihəsi 36 deputatdan ibarət bələdiyyə şurası tərəfindən qəbul edilərək qüvvəyə minib.

Lakin yeni qanun vergi ödəyicilərinin yükünü yüngülləşdirdiyi üçün deyil, tamamilə süni intellekt tərəfindən yazıldığı üçün aktual mövzuya çevrilib.

“Washington Post” qəzetinin məlumatına görə, Assambleya üzvü Ramiro Rosario səsvermədən 6 gün sonra süni intellekt tərəfindən yazılmış mətnin əlində olduğunu açıqlayıb.

Rosario mətni hazırlamaq üçün normalda 3 gün lazım olduğunu, lakin süni intellekt sayəsində bunun cəmi 15 saniyə çəkdiyini bildirib. O, süni intellektdən istifadəni yüksək qiymətləndirib.

Şəhər şurasında müzakirələr zamanı digər üzvlər mətnə ​​minimal dəyişikliklərin edilməsini istəyiblər. Su sayğacı təklifi qanuna çevrilsə də, süni intellektin qanun qəbulunda istifadəsi ölkə daxilində müzakirələrə səbəb olub.

Oxuməni.az