Dövlət Təhlükəsizliyi Xidməti həmvətənlərini ABŞ-a qanunsuz göndərməklə məşğul olan Özbəkistan vətəndaşlarını saxlayıb

Özbəkistan Dövlət Təhlükəsizliyi Xidmətinin əməkdaşları həmyerlilərini pul mwqabilind' ABŞ-a göndərəcəyini vəd edən bir neçə nəfəri saxlayıb. Hüquq-mühafizə orqanının mətbuat xidməti xəbər verir ki, ölkənin iki rayonunda qanunsuz olaraq xaricə insanların daşınması cəhdlərinin qarşısı alınıb.

Belə hadisələrdən biri də Səmərqənddə baş verib. Yerli sakin bir tanışını 25 min dollara onu Meksika vasitəsilə Ştatlara göndərməyə kömək edəcəyini vəd edib.

Dövlət Təhlükəsizliyi Xidmətinin əməkdaşları vasitəçini 15 min ABŞ dolları ilkin ilkin ödənişi alarkəni saxlayıblar.

Səmərqənd vilayətinin Pastdargom rayonunda iki dost ABŞ-a işləmək üçün getmək istəyənlər üçün sxem hazırlayıblar. Onlar yerli sakini xaricə getməyə dəvət ediblər. Vasitəçilər bu məqsədlə yerli sakindən 23 min dollar alarkən cinayət başında yaxalanıblar.

Üçüncü hadisə Fərqanə rayonunda qeydə alınıb. Burada yerli iş adamı Kokand şəhər sakininə 10 min dollar müqabilində Amerika Birləşmiş Ştatlarına köçməkdə köməklik edəcəyinə söz verib. Fırıldaqçı pulu alarkən saxlanılıb.

Dövlət Təhlükəsizliyi Xidmətindən aydınlıq gətirilib ki, qeyd olunan bütün faktlar üzrə cinayət işi açılıb, araşdırma aparılır.

Noyabrın 20-də ABŞ hakimiyyətinin Özbəkistan vətəndaşlarının Meksikadan ölkəyə qeyri-qanuni daxil olmasına icazə vermədiyi barədə məlumat yayılıb. Sərhədi qeyri-qanuni keçənlərin ən azı beş il müddətinə ABŞ-a girişi qadağan ediləcək. Bundan əlavə, miqrantlara kömək edən ailə üzvləri həmişəlik ABŞ vizası almaq hüququndan məhrum edilə bilər.

Fox News-un məlumatına görə, 2021-ci ilin oktyabrından 2023-cü ilin oktyabrına qədər 13 624 Özbəkistan vətəndaşı ABŞ sərhədini qanunsuz keçməyə cəhd edərkən saxlanılıb ki, bu da ən çox qeyri-qanuni immiqrantların gəldiyi ölkələrin şərti reytinqində üçüncü nəticə olub.

Oxuməni.az