Çindən sonra Hollandiya, Fransa, Danimarka və ABŞ-da da uşaqlarda pnevmoniyanın artması müşahidə olunur.

Danimarka, Fransa və Hollandiyada Mycoplasma pneumoniae bakteriyasının səbəb olduğu uşaqlarda pnevmoniya hallarının artdığı bildirilir. Amerikanın Ohayo ştatının bir rayonunda da hadisələrin artması qeydə alınıb.

Bu barədə CNN yazır.

ABŞ-ın başqa yerlərində mikoplazma hallarının əhəmiyyətli dərəcədə artması əlaməti yoxdur, lakin bakteriya 1-3 ildən bir sətəlcəmin alovlanmasına səbəb olub. ABŞ, COVİD pandemiyasından bəri əsl virus dalğasını görmədi və mütəxəssislər bu il artım olsa, təəccüblənməyəcəklərini söyləyiblər.

Keçən həftə 24 ölkədə 45 mərkəzdə mikoplazma monitorinqi aparan avropalı ekspertlər pandemiya zamanı 1%-dən aşağı düşmüş halların ilin əvvəlində yenidən artmağa başladığını bildirdilər. The Lancet Microbe-da dərc olunan hesabata görə, bu ilin yay və payız aylarında orta artım dörd dəfədən çox artıb, ən böyük artım Asiya və Avropada baş verib.

Tənəffüs mikoplazmozu ağciyərlərə ziyan vurur və plevraya zərər verə bilər. Xəstəliyin əsas simptomları həftələrlə davam edən öskürək, qızdırma, baş ağrısı, bəzən də gövdə, kürək və ya qollarda səpgilərdir.

Oxuməni.az