Qırmızı dənizdə Amerika hərbi gəmisi və ticarət gəmiləri hücuma məruz qalıb

ABŞ Müdafiə Nazirliyi Yaxın Şərqdə İsrail-Həmas müharibəsi ilə əlaqəli dəniz hücumlarının böyük artım potensialını vurğulayıb. ABŞ Müdafiə Nazirliyi bazar günü Qırmızı dənizdə bir Amerika döyüş gəmisinə və bir neçə ticarət gəmisinə hücum edildiyini açıqlayıb. Açıqlamada bunun Yaxın Şərqdə İsrail-Həmas müharibəsi ilə bağlı dəniz hücumlarının böyük artım potensialına işarə edildiyi vurğulanıb. “Biz Qırmızı dənizdə «USS Carney» və ticarət gəmilərinə hücumlar barədə məlumatlardan xəbərdarıq və məlumat əldə olunduqca paylaşacağıq”, - deyə bəyanatda bildirilir.

Britaniya ordusu isə daha əvvəl Qırmızı dənizdə şübhəli pilotsuz təyyarə hücumu və partlayışlar olduğunu açıqlasa da, təfərrüatları açıqlamayıb.

Pentaqon hücumun haradan edildiyini dəqiqləşdirməyib. Bununla belə, Yəməndə İranın dəstəklədiyi husilər Qırmızı dənizdəki gəmilərə hücum edir, həmçinin Qəzza zolağının bombardmanından sonra İsraili hədəf alırlar.

Xatırladaq ki, keçən həftə silahlı şəxslər tərəfindən qısa müddətə ələ keçirilən bir İsrail gəmisinə kömək edən başqa bir ABŞ hərbi gəmisi yaxınlığında raket atılmışdı...

Oxuməni.az