Bombardmançı təyyarələr Adanadakı İncirlik Hava Bazasına gəlib

ABŞ Hərbi Hava Qüvvələrinə məxsus «B-1B» bombardmançı təyyarələri yanacaq doldurmaq üçün Adanadakı İncirlik Hava Bazasına gəlib. Təyyarələr Türkiyə Hərbi Hava Qüvvələrinə təlim missiyası üçün inteqrasiya edilib. ABŞ Hərbi Hava Qüvvələrinin 39-cu Hava Bazasının Komandirinin müavini polkovnik Robert Şönberq təlim missiyası ilə bağlı deyib: “Biz İncirlikdəki bu tarixi yanacaqdoldurma əməliyyatını dəstəkləməkdən və yad etməkdən məmnunuq”.

ABŞ Hərbi Hava Qüvvələrinin 9-cu Ekspedisiya Bombardmançı Eskadrilyasına təyin edilmiş «B-1B» bombardmançı təyyarələri çoxdan planlaşdırılan bombardmançı tapşırıq qrupunun təlim missiyası çərçivəsində yanacaq doldurmaq üçün İncirlik Hava Bazasına gəlib. İncirlik Hava Bazasından verilən açıqlamaya görə, “hot-pit” adlanan yanacaq doldurma mühərrikləri hələ də işlək vəziyyətdə olan təyyarəyə yanacaq doldurma taktikası deməkdir.

Xatırladaq ki, Türkiyənin ən böyük hərbi obyektlərindən biri olan İncirlik Bazasının strateji yerləşməsi onu fövqəladə əməliyyatlar və NATO-ya inteqrasiya mərkəzinə çevirib.

Murad Şahməmməd