Almaniya Ukraynaya hərbi texnika, peyk terminalları və sursat təhvil verəcək

Almaniya Ukraynaya növbəti hərbi yardım paketini açıqlayıb. Yardım paketinə bütün ərazi nəqliyyat vasitələri, döyüş sursatları və peyk rabitə terminalları daxildir. Bu barədə Almaniya hökumətinin saytında məlumat verilib.

Yeni hərbi yardım paketinə aşağıdakılar daxildir:

14 Bandvagn 206 bütün ərazi nəqliyyat vasitələri;

Biber körpüsü təbəqəsi;

2 mühəndis maşını WiSENT 1 MC;

7 ədəd HX81 traktoru və onlar üçün 8 ədəd qoşqu;

21 sərhəd təhlükəsizliyi avtomobili;

Leopard tankları üçün radio stansiyaları;

99 peyk rabitə terminalı;

Vector İHA üçün ehtiyat hissələri dəsti;

20.000 qoruyucu eynək;

239 kriptofon;

qumbaraatan üçün demək olar ki, 33 min 40 mm-lik sursat;

1202 infuziya nasosu (tibbi avadanlıq).

Sentyabrın 18-də Almaniyanın müdafiə naziri Boris Pistorius Ukraynaya 400 milyon avro dəyərində hərbi və humanitar yardım paketi elan edib.O cümlədən, bu paketə müxtəlif yüksək partlayıcı mərmilər, artilleriya minaları, minalardan təmizləmə maşınları, qış geyimləri, generatorlar, elektrik və istilik cihazları daxil olmalı idi. Almaniya hökuməti sentyabrın 13-də Ukraynaya əvvəlki hərbi yardım paketini açıqlayıb. Yardıma, 20 Marder zirehli texnikası və 20 RQ-35 Heidrun pilotsuz təyyarəsi daxil edilmişdi.

Əziz Mustafa