26 ukraynalı öldürüldü və yandırıldı: Kiyev vilayətində üç işğalçı edamda şübhəli bilinir

Rusiya işğalçı qüvvələrinin 3 hərbçisi Kiyev vilayətinin işğalı zamanı, Kiyev-Jitomir avtomobil yolunda 26 ukraynalının öldürüldüyü və yandırıldığı zaman insanlara atəş açmaqda ittiham olunub.

Ukrayna Milli Polisinin saytında yerləşdirilən xəbərdə qeyd edildiyi kimi, 2022-ci ilin fevral və mart aylarında Kiyev-Jitomir magistralında işğalçılar müharibədən qaçmağa çalışan mülki avtomobilləri, onların sürücülərini sərnişinləri və piyadaları sistematik şəkildə atəşə tutublar.

“Bu müddət ərzində onlar 6 ukraynalını ağır yaralayıb, 26 nəfəri öldürüb, cinayətlərinin izlərini gizlətmək üçün onların cəsədlərini vurulan avtomobillərlə birlikdə yandırıblar”, - məlumatda deyilir.

Qeyd olunur ki, işğalçılar Ukrayna Silahlı Qüvvələrinin təzyiqi ilə qaçıblar, onların qurbanlarının cəsədlərinin yanmış qalıqları isə yolda qalıb.

“Lakin Milli Polis müstəntiqləri həlak olanların şəxsiyyətini müəyyən etməyə, hadisələrin xronologiyasını bərpa etməyə və onların qatillərini – 36-cı Əlahiddə Ümumqoşun Ordusunun Suvorov briqadasının 5-ci Əlahiddə Mühafizə Tankı Tatsin Qırmızı Bayraq ordenli 2-ci batalyonundan olan Buryatları müəyyən etməyə müvəffəq olublar”, - məlumatda qeyd olunur.

Əziz Mustafa