Ukrayna Silahlı Qüvvələri əks-hücum əməliyyatının uğurlarını bəyan edir

Ukrayna ordusu səngər müharibəsinin önündə gedən Baxmutdan cənuba doğru irəlilədiyini deyir. Ekspertlərin fikrincə, qışın başlaması əks-hücumları çətinləşdirə bilər.

Əks-hücumun yavaş tempi ilə bağlı tənqidlərə baxmayaraq, Ukrayna Silahlı Qüvvələri Baxmutdan cənuba doğru irəlilədiyini iddia edir. Şərq Qüvvələr Qrupunun nümayəndəsi İlya Yevlaşın sözlərinə görə, Ukrayna əsgərləri əldə edilmiş zonalarda mövqelərini möhkəmləndirirlər.

Ukrayna Silahlı Qüvvələrinin Baş Qərargahı rusların itirilmiş mövqelərini bərpa etməyə çalışdığı Baxmutdan 7 km aralıda yerləşən Kleşçievka bölgəsində dəf edilən hücumlar barədə məlumat verib.

Ötən gün isə Rusiya Təhlükəsizlik Şurasının katibi Nikolay Patruşev Ukrayna Silahlı Qüvvələrinin əks-hücumunun boğulduğunu, Ukrayna Silahlı Qüvvələrinin Qərb silahlarının isə Rusiya texnikasına qarşı effektiv olmadığını bildirib.

Murad Şahməmməd