Çin Özbəkistanda günəş elektrik stansiyası və elektrik avtobusları zavodu tikəcəklər

Çinlilər Fərqanə rayonunda 1 milyard dollara dörd günəş elektrik stansiyası və elektrik avtobuslarının istehsalı zavodu tikəcəklər.

Fərqanə vilayətinin rəhbərliyi və çinli iş adamları Özbəkistanın bu rayonunda dörd fotoelektrik elektrik stansiyasının (PVS) tikintisinə dair saziş imzalayıblar. Region administrasiyasının mətbuat xidməti xəbər verir ki, bu layihələrə qoyulan investisiyaların ümumi həcmi 1 milyard dollar təşkil edəcək.

Günəş elektrik stansiyasının tikintisini aşağıdakı şirkətləri həyata keçirəcək:

✅ China Power International;

✅ CAMC Engineering;

✅ Shaanxi Xiangsheng Industrial Group;

✅ China Huadian Engineering.

Bundan başqa, Fərqanə vilayətinin Furqat rayonunda Çinin “DongFeng Special Car Company” korporasiyası elektrobusların istehsalı üzrə zavod tikmək niyyətindədir. Birinci mərhələdə xarici tərəfdaşlar müəssisənin inkişafına 100 milyon dollara yaxın sərmayə qoyacaqlar.Bununla ildə 1000 ədədə qədər avadanlıq istehsalına imkan verəcəyi planlaşdırılır.

Fərqanə rəsmiləri başqa bir şirkət olan Jiangxi Anchi New Energy Technology ilə elektrik avtobusları üçün akkumulyatorlar və ekoloji təmiz avtomobilləri enerji ilə doldurmaq üçün qurğular istehsalına başlamaq barədə razılığa gəliblər. Çindən olan tərəfdaşlar bu müəssisələrə müvafiq olaraq 30 milyon və 50 milyon dollar sərmayə qoyurlar.

Bundan əlavə, yüngül sənaye, mis emalı, kənd təsərrüfatı texnikası və tikinti materiallarının istehsalı sahələrində daha ona yaxın layihənin həyata keçirilməsinə dair razılıq əldə edilmişdir. Ümumilikdə çinlilərin bu BM-lərə 120 milyon dollardan çox sərmayə qoyacağı gözlənilir.

Fərqanə vilayətinin hakimliyinin (administrasiyasının) mətbuat xidməti aydınlaşdırır ki, müqavilələr regionun başçısı Xayrullo Bazarovun başçılıq etdiyi Özbəkistan rəsmilərinin Çinə işgüzar səfəri zamanı bağlanıb. Görüşlər nəticəsində tərəflər arasında 1,37 milyard dollar dəyərində ticarət və investisiya layihələri üzrə 29 saziş imzalanıb.

Əziz Mustafa