Kubada təhsil almaq istəyən monqol tələbələrinin sayı artır

Təhsil və elm naziri Enkh-Amgalan Luvsantseren Kuba Respublikasına səfəri çərçivəsində ali təhsil naziri Valter Balucha Garcia və xarici ticarət və investisiyalar nazirinin müavini Ana Teresita Fraqa ilə görüşüb.

Kuba tərəfi hər il Kubadakı ali təhsil müəssisələrinə daxil olan monqol tələbələrinin sayını beşə çatdırdığını açıqladı. Monqolustan tərəfi həmçinin Monqolustan hökumətinin təqaüd proqramı vasitəsilə hər il beş kubalı tələbə qəbul etməyi öhdəsinə götürüb. Kuba tibb institutlarının monqol məzunlarının aspiranturaya qəbulu ilə bağlı müraciət müsbət həll olundu.

Nazirlər gənc alimlərin vaksinlər, kənd təsərrüfatı və baytarlıq sahələrində birgə tədqiqatlarına başlanması ilə bağlı fikir mübadiləsi aparıblar. Bu təklifə əlavə olaraq Kuba tərəfi ərzaq təhlükəsizliyi, ətraf mühitin dəyişməsi və bərpa olunan enerji sahələrində əməkdaşlıq təklif edib və hər iki tərəf bu sahələrdə birgə işləmək barədə razılığa gəlib.

Yuxarıda qeyd olunan istiqamətlər üzrə əməkdaşlığın Monqolustan Prezidentinin dəvəti ilə Kuba Prezidentinin gələn il Monqolustana səfərindən əvvəl başlanması barədə razılıq əldə olunub.

Əziz Salamoğlu