Priqojinin “sağ əli” də ölüb: Təyyarəni Rusiyanın HHM sistemləri vurub?
Rusiyada “Vaqner” özəl hərbi şirkətinin təsisçisi Yevgeni Priqojinin olduğu təyyarə hava hücumundan müdafiə sistemi vasitəsi ilə açılan atəşlə vurulub.
Bu barədə “Vaqner”ə yaxın “Telegram” kanalları məlumat verir.
Yayılan digər məlumata görə, təyyarə qəzasının şahidləri hadisədən əvvəl partlayış səsi eşitdiklərini vurğulayıblar.
Məlumatda həmçinin qeyd olunur ki, Rusiyanın Tver vilayətində qəzaya uğrayan təyyarənin göyərtəsində Yevgeni Priqojinin “sağ əli” hesab olunan Dmitri Utkin də olub. Onun ölümü ilə qruplaşmanın tamamilə başsız qalacağı vurğulanıb.
Bu arada məlum olub ki,Moskvadan Sankt-Peterburqa uçarkən Tver vilayətində qəzaya uğrayan şəxsi “Embraer Legacy” təyyarəsinin düşdüyü yerdə 8 meyit tapılıb.
Bu barədə Rusiya FHN məlumat yayıb.
Meyitlərin kimlərə məxsus olduğu açıqlanmayıb.
FHN dəqiqləşdirib ki, göyərtədə 10 nəfər (3-ü ekipaj üzvüdür) olub. “Vaqner” rəhbəri Yevgeni Priqojinin də adı sərnişinlər siyahısındadır.
