«Google»-a qarşı 5 milyard dollarlıq iddia tələb edilib

İnternet nəhəngi gizli sekmesi açıq olan istifadəçiləri təqib etməkdə günahlandırılır. İnternet dünyasının ən böyük adı olan Google, 2020-ci ildə istifadəçiləri hətta şəxsi tablarda izləməkdə günahlandırıldı. İttihamda, Chrome brauzerinin inkoqnito nişanlarında ziyarətlərlə məlumat toplamağa davam etdiyi bildirilib. Milyonlarla istifadəçini izlədiyi üçün Google-a qarşı 5 milyard dollarlıq iddia tələb edilib.

Google indiyədək inkoqnito rejiminin istifadəçini heç bir şəkildə izləməyəcəyi barədə heç bir məlumat verməyib. Amma eyni zamanda, onların siyasətində onun toplanıb-toplanmaması ilə bağlı cümlələr də bir çox istifadəçilər üçün aydın deyildi.

Bütövlükdə götürsək, sual ondan ibarətdir ki, bu məqalələr Google-un şəxsi axtarış zamanı istifadəçilərin məlumatlarını toplaymayacağına dair etibarlı vəd təşkil edirmi?

Google-dan əks bəyanat gəlib:

Google sözçüsü Xose Kastanyeda açıqlama verərək iddiaya qərara qarşı olduqlarını bildirib:

“Biz bu iddialara qəti şəkildə qarşıyıq və özümüzü onlara qarşı qətiyyətlə müdafiə edəcəyik. Chrome-da inkoqnito rejimi sizə fəaliyyətiniz brauzerinizdə və ya cihazınızda saxlanmadan internetə baxmaq imkanı verir. Hər dəfə yeni inkoqnito tabı açdığınız zaman açıqladığımız kimi, veb-saytlar seans zamanı baxış fəaliyyətiniz haqqında məlumat toplaya bilər.”

Xülasə, Google lap əvvəldən deyirdi ki, məhdud da olsa inkoqnito rejimində məlumat toplana bilər və ittihamçı bundan xəbərsiz olduğunu iddia edir. İşin ən azı hələlik məhkəməyə gedəcəyi dəqiqdir.

Murad Şahməmməd