Makron Şərqi Avropadan üzr istədi

Fransa Prezidenti Emmanuel Makron Şərqi Avropa ölkələrindən üzr istəyib.

Oxuməni.az xəbər verir ki, bu barədə Reuters Bratislavadakı GLOBSEC Forumu zamanı Makronun sözlərinə istinadən bildirib.

Makron, Rusiyanın Ukraynaya tam miqyaslı işğalı başlamazdan əvvəl onları- Avropa ölkələrini Moskvanın təcavüzkarlığı barədə xəbərdarlıq etdiyini xatırladıb.

Fransa prezidenti Aİ-nin Şərq və Qərb üzvləri arasında Rusiya ilə bağlı problemlərlə bağlı davam edən fikir ayrılıqlarına istinad edərək, "köhnə" və "yeni" Avropaya bölünmənin yolverilməz olduğunu vurğulayıb.

"Bəziləri deyirlər ki, susaraq fürsəti əldən verdik. Düşünürəm ki, sizi dinləmək fürsətini də əldən verdik. İndi bunlar keçmişdə qalıb",-dedi Makron.

Əziz Salamoğlu