ABŞ Ukraynaya uzun mənzilli raketlər verməkdən imtina edib

ABŞ prezidenti Co Bayden Administrasiyası Ukraynaya uzun mənzilli raketlərin göndərildiyini elan edən Böyük Britaniyadan nümunə götürməkdən imtina edib. Belə ki, Vaşinqton Kiyevə 310 km məsafəni vuran ATACMS raketlərini ötürmək niyyətində deyil.

Oxuməni.az xəbər verir ki, bu barədə Politico nəşri məlumatlı mənbələrə istinadən yazıb.

Nəşrin yazdığına görə, Londonun qərarı Amerika rəsmilərinə "rahat nəfəs almağa" imkan verdi. Belə ki, Ukrayna İndi uzun mənzilli silahlara sahib olacaq və bununla əlaqədar ABŞ-a. qarşı daha az tənqid olacaq.

Nəşrə məlumat verənlərdən biri qeyd edib ki, Atacms-in verilməsindən imtina etməsinə baxmayaraq, Vaşinqton Ukraynaya Patriot kimi hava hücumundan müdafiə vasitələri, həmçinin döyüş sursatı və zirehli texnika tədarük etməkdə davam edəcək.

Eyni zamanda, Böyük Britaniya Kiyevə bir şərtlə uzun mənzilli raketlər təqdim etməyə razı oldu ki, onlardan Ukrayna ərazisindən kənarda olan məqsədlər üçün istifadə edilməməlidir.

Əziz Salamoğlu, Oxuməni.az