ABŞ Putinin nüvə silahlarını Belarusiyaya yerləşdirməsinə dair heç bir əlamət görmürdü - Kirbi

Milli Təhlükəsizlik Şurasının sözçüsü Con Kirbi ABŞ-ın Rusiyanın nüvə silahlarının yerini dəyişdirilməsinə dair heç bir əlamət görmədiyini deyib. Vaşinqtonun reaksiyası Rusiya prezidenti Vladimir Putinin Rusiyanın taktiki nüvə silahlarının Belarusda mümkün yerləşdirilməsi ilə bağlı bəyanatından sonra olub.

Oxuməni.az xəbər verir ki, NATO Rusiyanı "təhlükəli və məsuliyyətsiz" nüvə ritorikasına görə tənqid edib.

Oz növbəsində Aİ-nin Xarici Siyasət üzrə Ali Nümayəndəsi Josep Borrell də Minskə xəbərdarlıq edib.

"Rusiyanın nüvə silahlarının Belarusda yerləşdirilməsi məsuliyyətsiz eskalasiya və Avropanın təhlükəsizliyinə təhdid demək olardı", - deyə Borrell Twitter hesabında yazıb. O, Aİ-nin eskalasiyaya növbəti sanksiyalarla cavab verməyə hazır olduğunu vurğulayıb.

Vladimir Putinin müttəfiqi, Belarus prezidenti Aleksandr Lukaşenko ötən il ölkəsinin ərazisindən Rusiya qoşunlarının Ukraynaya hücumu üçün tramplin kimi istifadə edilməsinə icazə verib.

Putinin sözlərinə görə, Belarusda taktiki nüvə silahı yerləşdirmək qərarına səbəb Böyük Britaniyanın müdafiə nazirinin müavininin Ukraynaya tükənmiş uranla artilleriya mərmilərinin tədarükü planları barədə bəyanatı olub.

Moskvanın niyyəti ilə bağlı xəbərlərdən sonra Kiyev BMT Təhlükəsizlik Şurasının növbədənkənar iclasının çağırılmasını tələb edib.

E.Axund, Oxuməni.az