Moldova hərbi təlimlər keçirəcək

Moldova hərbi təlimlər keçirəcək

23 Yanvar 20:52
23
Bəyəndim (0) Bəyənmədim (0)

Yanvarın 24-dən fevralın 4-dək Moldovada milli ordunun bütün poliqonlarında 400-dən çox hərbçinin iştirak edəcəyi taktiki təlimlər keçiriləcək.

Oxuməni.az xəbər verir ki, bu barədə yanvarın 23-də Müdafiə Nazirliyi məlumat verib.

Nazirlikdən bildirilib ki, planlaşdırılan təlimlər Milli Ordunun Hərbi texnikasından istifadə etməklə keçiriləcək. Təlim üçün ölkədəki bütün hərbi qarnizon poliqonları istifadə olunur.

"Təlimlərin məqsədi bütün hərbi qulluqçuların - həm çağırışçıların, həm də podratçıların imkanlarını və praktiki bacarıqlarını qiymətləndirməkdir", - deyə nazirlikdən bildirilib.

Nazirliyin ssenarisinə əsasən, hərbçilər hərbi texnikadan istifadə etməklə müxtəlif tapşırıqları yerinə yetirməli, ilk tibbi yardım göstərməli və kimyəvi hücum şəraitində fəaliyyət göstərməli olacaqlar.

Eyni zamanda, nazirlikdən bildirilib ki, təlimlər Milli Ordunun 2023-cü il üçün hazırlıq planına uyğun olaraq keçirilir və bu təlimlər regiondakı vəziyyət və Ukraynadakı müharibə ilə bağlı deyil.

"Təlimlər zamanı hərbi maşınların sütunları Milli yollarda poliqondan poliqona, ölkənin mərkəzi, şimal və cənub rayonlarında hərəkət edəcək. Bu baxımdan vətəndaşlardan təlimlər və hərbi texnikanın köçürülməsi mövzusunda spekulyasiya etməmələrini xahiş edirik", - Müdafiə Nazirliyindən xəbərdarlıq edilib.

Əziz Mustafa, Oxuməni.az