İsveçin şimalındakı Kiruna şəhəri köçürüləcək

İsveçdəki Kiruna şəhəri yeni yerə köçürüləcək.

Oxuməni.az xəbər verir ki, buna səbəb onun altında zəngin faydalı qazıntı yataqlarının olmasıdır.

Kiruna Arktika Dairəsindən 200 km şimalda yerləşir. 125 il əvvəl dəmir mədən işçilərini yerləşdirmək üçün tikilib. Bələdiyyə rəsmisi bildirib ki, yerli əhali şəhərin köçürülməsi ideyasını müsbət qarşılayıb.

2035-ci ilə qədər 450 min kvadratmetr yaşayış binalarının, məktəblərin, ictimai, ticarət və əyləncə obyektlərinin təhvil verilməsi başa çatdırılmalıdır. Ən qiymətli, eyni zamanda kövrək tikililərdən biri 1912-ci il Lüteran kilsəsidir.

"İnsanlar üçün kilsənin köçürülməsi və sökülməməsi çox vacibdir" keşiş Lena Tjarnberg. - Məncə, onlar kilsənin yeni yerə köçürüləcəyi günü səbirsizliklə gözləyirlər.

Kirunanın 23.000 əhalisi var və Sloveniya böyüklüyündə bir ərazini əhatə edir. Şəhər çoxlu turistləri cəlb edən qorunan ərazidə yerləşir. Üzərində ağcaqayın meşələri, alp tundrası, 7 çay və 6 min göl var. Mədənin genişləndirilməsi, əsasən maralı otarmaqla məşğul olan Laplandiyanın yerli əhalisi olan samiləri narahat edir. Hökumət onların ehtiyaclarını nəzərə alacağına əmin edib və bu xalqın liderlərindən birini mətbuatla görüşə dəvət olunub.

"Arktikadakı bioloji müxtəliflik qitədəki insanlar üçün çox vacibdir" bunu deputat, Saami Parlamentinin rəhbərinin mavini Stefan Mikaelsson söyləyib.

Mədən şirkəti tezliklə "yaşıl" sənaye inqilabının mərkəzində olmağa çalışaraq yalnız təmiz texnologiyalardan və enerji mənbələrindən istifadə edəcəyini açıqlayıb .

Burada, Kirunada Avropanın ən böyük nadir torpaq yatağının kəşfi Arktikada sənaye fəaliyyətinin genişləndirilməsi ilə bağlı suallar yaradır. Bu, Çindən idxalı azaldacaq, lakin sosial və təbii dəyərlərə təsir edəcək.

E.Axund, Oxuməni.az