ABŞ Senatı 2023-cü ilin rekord hərbi büdcəsini təsdiqləyib

ABŞ Senatı 858 milyard dollarlıq rekord qıran hərbi büdcəni (National Defense Authorization Act — NDAA) təsdiqləyib ki, bu da prezident Co Baydenin tələb etdiyindən 45 milyard dollar çoxdur.

Oxuməni.az xəbər verir ki, bu barədə Reutersin yaydığı məlumatda deyilir. Bu məbləğin ən azı 800 milyon dolları Ukraynaya hərbi yardım üçün xərclənəcək.

Sənəd böyük səs çoxluğu ilə qəbul edildi: 83 senator "lehinə", yalnız 11-i əleyhinə səs verdi. Bundan əvvəl büdcə Nümayəndələr Palatası tərəfindən təsdiqlənmişdi. Baydenin yaxın vaxtlarda onu imzalayacağı gözlənilir.

2023-cü il üçün hərbi büdcəyə Hərbi qulluqçuların maaşlarının artırılması, F-35 gəmiləri və qırıcıları da daxil olmaqla yeni silahların alınması və hipersəsli silahların inkişafı üçün əlavə vəsaitin ayrılması xərcləri daxildir. Bundan əlavə, NDAA, Rusiya istilasına qarşı mübarizədə Tayvan və Ukraynanı dəstəkləmək üçün vəsait ayırmağı nəzərdə tutur. Xüsusilə, ABŞ Kiyevin sərəncamında olan avadanlıq ehtiyatlarını doldurmağı və müharibənin davam etməsi üçün kritik sursat tədarük etməyi planlaşdırır.

Kreml bundan əvvəl bəyan etmişdi ki, Amerika hərbi büdcəsi layihəsi Rusiyaya qarşı "görünməmiş qarşıdurma xarakteri daşıyır".

ABŞ-ın əvvəlki hərbi büdcəsi 740 milyard dollar idi.

Əziz Mustafa, Oxuməni.az