Almaniya tarixində son 80 ildə ən böyük iqtisadi qalmaqal

Cümə axşamı, dekabrın 8-də Münhendə Almaniyada əsrin ən səs-küylü iqtisadi qalmaqallarından biri olan iş üzrə məhkəmə prosesi başlayıb.

Oxuməni.az xəbər verir ki, Bavariya paytaxtının prokurorluğu Avstriya vətəndaşını və müflisləşmiş "Wirecard" konserninin keçmiş rəhbəri Markus Braunu (Markus Braun) digər keçmiş top-menecerlərlə birlikdə dələduzluqda, hesabat saxtakarlığında və qrupun vəsaitlərini mənimsəməkdə ittiham edir.

Bir gecədə minlərlə səhmdar və müştəri ümumilikdə 20 milyard avro itirdi , Şirkətin özünün hesablarından yoxa çıxan milyardları demirik, "Wirecard"-ın iflası Almaniya tarixində son 80 ildə ən böyük iqtisadi qalmaqallardan biridir . Almaniyanın keçmiş kansleri Angela Merkel , onun o vaxtkı müavini və maliyyə naziri, indiki kansler Olaf Şolz səs-küylü iş üzrə parlamentdə keçirilən sorğuda şahid qismində ifadə verməyə məcbur olublar.

Cəmi bir neçə il ərzində "Wirecard" milyardlarla avronun daha da sürətlə toza çevrilməsinə imkan vermək, həm də pulu oğramaq üçün Alman biznesinin elitasına yüksək zərbə vurmağı bacardı. Təqsirləndirilənlərdən biri ölmüş hesab olunur, baxmayaraq ki, onun cəsədi tapılmayıb. İkinci əsas müttəhim, Rusiyada gizlənir və yəqin ki, artıq Rusiya pasportuna malikdir. Söhbət "Wirecard"-ın Direktorlar Şurasının keçmiş üzvü, təkcə milyardlarla avro fırıldaqçılığında deyil, həm də Rusiya xüsusi xidmət orqanları ilə əlaqələrdə şübhəli bilinən avstriyalı Yan Marsalekdən gedir.

Alman hakimiyyət orqanları da Moskvadakı qaçaq menecerin ünvanını bilir, Marsalek Rusiya Federasiyası FSB-nin köməyi ilə Almaniyadan qaçmışdır. Almaniyanın ədliyyə orqanları bu il artıq Rusiyadan Yan Marsalekin ekstradisiyasını tələb etdiklərini təsdiqləyiblər, lakin ekspertlərin fikrincə, bunun baş vermə ehtimalı çox azdır.

Emin Axund, Oxuməni.az