Taliblər  ilk açıq edam ediblər

Taliblər  ilk açıq edam ediblər

8 Dekabr 2022 11:12
65
Bəyəndim (0) Bəyənmədim (0)

Taliban rəsmiləri bildiriblər ki, Əfqanıstanın cənub-qərbindəki Farah əyalətində qətldə günahkar bilinən bir əfqan ictimaiyyət qarşısında edam edilib.

Oxuməni.az xəbər verir ki, bu, islamçıların hakimiyyətə qayıdışından sonra ölüm hökmü ilə bağlı təsdiqlənmiş ilk haldır.
”Ali məhkəməyə bu edam fərmanını həmvətənlilərin toplantısında icra etmək tapşırılıb”, - deyə Taliban sözçüsü Zabihullah Mücahid bildirib.
Edam, Taliban yüksək səviyyəli liderlərinin, o cümlədən Vitse və Fəzilət Nazirliyinin rəhbərinin iştirakı ilə həyata keçirilib.

Əfqanıstanın cənub-qərbində yerləşən Farah əyalətində yerli Taliban rəsmiləri insanları səsgücləndirici vasitəsilə edamı izləməyə dəvət ediblər.
Talibanın nümayəndəsi bəyanatında bildirib ki, Tacmir adlı şəxs qətli etiraf etdikdən sonra öldürülüb. Onun işinə məhkəmədə baxıldıqdan sonra şəriət qanunlarına əsasən qisas cəzası alıb. Məhkəmənin və edamın özünün necə baş tutduğu bildirilmir .
Noyabrda Taliban lideri Heybətullah Axundzadə əfqan hakimlərinə şəriət qanunlarına uyğun cəzalar verməyi əmr edib. Soyğunçuluq, adam oğurluğu və fitnə kimi cinayətlərə görə günahkarların əli ,ayağı kəsilməklə və daşqalaq edilməklə cəzalandırılacaqlar.

Emin Axund, Oxuməni.az