Rusiyada fərari "vaqnerovçu" polisə atəş açıb

Rusiya Federasiyasının Rostov vilayətinin Novoşaxtinsk şəhərində bir gün əvvəl polisləri atəşə tutan şəxs həbs edilib.

Oxuməni.az xəbər verir ki, qubernator Vasili Golubev mətbuata açıqlamasında həmin adamın döyüş meydanından qaçan fərari vaqnerovçu olduğunu bildirib.

Daha əvvəl Ukrayna ilə sərhəddən 20 km məsafədə yerləşən Novoşaxtinskdə kamuflyaj və balaklavada naməlum şəxsin itkin düşən qadını axtarmaq üçün ərazini tarayan polislərə pulemyotla atəş açdığı bildirilmişdi. Nəticədə 27 yaşlı çavuş yaralanıb və xəstəxanaya yerləşdirilib.

"Cinayətkar saxlanılıb. Razılaşdırılmış əməliyyat-axtarış hərəkətləri nəticəsində o, Novoşaxtinski yaxınlığındakı boş bir binada tapıldı. İstintaq arşdırmaları aparılır " deyə Golubev bildirib.

İlkin araşdırmalar zamanı saxlanılan şəxsin "Vaqner" in 38 yaşlı döyüşçüsü Pavel Nikolin olduğu üzə çıxıb. O, Ukraynadakı müharibəyə cəlb edildiyi zaman Ufa IR-4-də bir müddət xidmət etdi. Noyabrın 24-də Nikolin döyüş meydanından qaçıb.

Əziz Mustafa, Oxuməni.az