Ermənistan Xarici İşlər Nazirliyi yenə sərsəm bəyanat verdi

Ermənistan Xarici İşlər Nazirliyi yenə sərsəm bəyanat verdi

13 Aprel 10:38
267
Bəyəndim (0) Bəyənmədim (0)

"Biz Rusiyanın Qarabağdakı sülhməramlı kontingentinin hərbçilərinin Ermənistan Milli Məclisinin bir qrup deputatını "Dağlıq Qarabağa" buraxmamasından dolayı narahatlıq hissi keçiririk".

Oxuməni.az xəbər verir ki, bu barədə Ermənistan XİN məlumat yayıb.

“Sözügedən hərəkət 2020-ci üçtərəfli bəyanatına ziddir. Noyabrın 9-da qəbul edilən üçtərəfli bəyanatda Dağlıq Qarabağın Laçın dəhlizi ilə birlikdə Ermənistanla fasiləsiz əlaqəsi nəzərdə tutulub. Tərəfləri bəyannamənin bütün müddəalarına ciddi əməl etməyə, həmçinin öhdəlikləri yerinə yetirməyə çağırırıq”, - deyə bəyanatda bildirilir.

Hadisə ilə bağlı Ermənistan Milli Məclisinin sədr müavini, müxalif "Hayastan" fraksiyasınınü üzvü İşxan Sağatelyan da bildirib ki, Ermənistan parlamentinin müxalif deputatlarının Qarabağa daxil olmasına rusiyalı sülhməramlılar tərəfindən icazə verilməyib.

Fraksiyasın digər nümayəndəsi Artur Qazinyan isə iddia edib ki, Qarabağa gedən şəxslərin siyahısı Azərbayana ötürülüb və Azərbaycan da siyahını Rusiya sülhməramlılarına təqdim edərək onların Qarabağa getməsinin qadağan edilməsini tələb edib.

Xatırladaq ki, ötən gün Qarabağa gəlmək istəyən erməni deputatlar sülhməramlılar tərəfindən geri qaytarılıb.