"Qarabağdakı erməni birləşmələrinin mövqelərinə dəqiq zərbələr endirə bilərik..."

"Erməni separatçıları Moskvanı Azərbaycana qarşı münaqişəyə cəlb etmək üçün Azərbaycan və Rusiya hərbçiləri arasında toqquşmada maraqlıdırlar..."

"Ermənilərin "Karaglux" adlandırdıqları yüksəklikdə Rusiya sülhməramlılarının postunun qurulması Azərbaycan ordusunun martın sonunda Fərrux dağ silsiləsində əldə etdiyi mövqelərinə təsir göstərmir"

Oxuməni.az xəbər verir ki, hərbi ekspert, Azərbaycan Müdafiə Nazirliyinin Analitik İnformasiya iİdarəsinin keçmiş əməkdaşı Azad İsazadə "Kavkazskiy uzel" nəşrinə açıqlamasında belə deyib.

Onun sözlərinə görə, bu gün Azərbaycan ordusu bu silsilədə bilavasitə Fərrux dağında, Yeddixırman dağında, adsız 837, 1050 və 1145 saylı yüksəkliklərdə (rəqəmlər dəniz səviyyəsindən yüksəkliyi göstərir – red.) mövqeləri tutur. Bu da Fərrux, Pirlər, Xanabad kəndləri Əsgəran şəhəri və bir sıra digər yaşayış məntəqələri üzərində vizual və lazım gəldikdə atəş nəzarətini təmin edir.

Həmin yaşayış məntəqələri Azərbaycan ordusunun dayandığı yüksəkliklərin solunda, sülhməramlılar tərəfindən yaradılmış post isə Azərbaycan mövqelərinin sağında və qərbində - növbəti dağ silsiləsində yerləşir.

"Hərbi nöqteyi-nəzərdən Rusiya postunun mövqeyii Fərrux və Pirlər kəndlərinin müdafiəsi üçün heç nə vermir. Başqa bir məsələ ondan ibarətdir ki, Rusiya sülhməramlıları Fərrux kəndinin özündə də yerləşir, lakin kənd Azərbaycan hərbçilərinin vizual nəzarəti altındadır. Bu gün Azərbaycanın bu kəndlə bağlı heç bir hərbi vəzifəsi yoxdur. Azərbaycan ordusu bu yüksəklikləri faktiki olaraq erməni silahlı birləşmələrinin 10 noyabr 2020-ci il tarixli üçtərəfli bəyanatını pozaraq nəinki Azərbaycan ərazilərini tərk etmədiyi, əksinə, bu yüksəklikləri işğal edib, üstəlik, orada hərbi istehkamlar tikməyə başlayıb Ağdam rayonundakı yaşayış məntəqələrimiz və Xaçınçay su anbarı üçün potensial təhlükə yaratdığı üçün əldə edib ”, - deyə A.İsazadə izah edib.

Rusiya hərbçilərinin Fərrux dağında post yaratmasının üçtərəfli bəyanata nə dərəcədə uyğun olması ilə bağlı sualı cavablandıran ekspert bildirib ki, üçtərəfli bəyanata əsasən Rusiya sülhməramlıları Azərbaycan və Ermənistan hərbçiləri arasında dayanmalı idilər.

"Amma Ağdam, Kəlbəcər və Laçın rayonları ilə bağlı hallarda Ermənistan hərbçiləri getməli idlər. Belə olan halda sual yarandı - Azərbaycan hərbçiləri bu ərazilərə irəlilədikdən sonra Rusiya sülhməramlıları hansı xətlərdə yerləşdirilməlidir. Çətinliklər onunla bağlı idi ki, Azərbaycanın yeni inzibati-ərazi bölgüsü sovet dövründən qalan rayonların sərhədləri ilə uyğun deyil”, - deyə hərbi ekspert bildirib.

Məsələn, keçmiş Dağlıq Qarabağ Muxtar Vilayətinin keçmiş Mardakert rayonunun ərazisi Kəlbəcər, Tərtər və Ağdam rayonları arasında bölünüb. Eyni şey Azərbaycanın yeni inzibati bölünməsində hazırda ərazisi Xocalı rayonuna daxil olan Əsgəran rayonuna da şamil edilib.

"Ona görə də Rusiya sülhməramlılarının yerləri texniki danışıqlar nəticəsində müəyyən edilib. Eyni zamanda üçtərəfli bəyanatın 4-cü bəndinə əsasən Ermənistan silahlı qüvvələri Azərbaycan ərazisindən tamamilə çıxarılmalıdır. Rusiya sülhməramlıları hələ ki, bu bəndin şərtlərini tam təmin etməyiblər. Bundan başqa, Azərbaycan beynəlxalq səviyyədə tanınmış suveren ərazisində fəaliyyət göstərir və qoşunların yerdəyişməsi ilə bağlı rəsmi Bakıya qarşı heç bir iddia sürülə bilməz”, - İsazadə bildirib.

"Əlbəttə, hərbi nöqteyi-nəzərdən Rusiya postunun yerləşdirilməsi Azərbaycan ordusu üçün maneələr yaradır. Azərbaycanın suveren ərazisi üzərində tam nəzarəti bərpa etmək tapşırığının həyata keçirilməsində hər hansı maneə Azərbaycan ordusu üçün çətinliklər və təhlükələr yaradır. “Lakin məsələnin siyasi tərəfi də var və bu, problemin sülh yolu ilə həllindədir və Rusiya sülhməramlıları da buna şərait yaratmalıdırlar. Bu baxımdan sülhməramlılar ayırıcı funksiyalarını yerinə yetirə bilərlər”, - İsazadə bildirib. .

Rusiya hərbçilərinin tutduğu postdan Azərbaycan hərbçilərinə təhdidlərin mümkün olub-olmaması ilə bağlı sualı cavablandıran İsazadə bildirib ki, insidentlərin baş verə biləcəyini istisna etmir.

"Erməni separatçıları Moskvanı Azərbaycana qarşı münaqişəyə cəlb etmək üçün Azərbaycan və Rusiya hərbçiləri arasında toqquşmada maraqlıdırlar. Onlar yeni təxribatlar təşkil edə, Rusiya sülhməramlılarının arxasından atəş aça bilərlər. Amma düşünürəm ki, Azərbaycan hərbçilərinin hərəkətləri təmkinli olacaq və bu barədə Rusiya komandanlığına məlumat verəcəklər. Bu da heç bir nəticə verməsə, erməni silahlı birləşmələrinin mövqelərinə dəqiq zərbələr endirmək mümkündür. Ümumiyyətlə, Azərbaycan diplomatik üsullarla erməni hərbçilərinin bölgədən tamamilə çıxarılmasında israr edəcək. Əgər Rusiya sülhməramlıları varsa, o zaman erməni qüvvələrinə ehtiyac yoxdur. Əvvəlki bütün insidentlər məhz erməni hərbçilərinin gələcəkdə hərbi qisas alacağına ümid edərək regionu tərk etməmək, yeni hərbi istehkamlar yaratmaq istəyindən yaranıb”, - deyə hərbi ekspert vurğulayıb.moderator.az