Rusiyada Azərbaycana qarşı təhdid və hədələrin arxasında Rusiya XİN rəhbəri Sergey Lavrov dayanır ?

Rusiyada Azərbaycana qarşı təhdid və hədələrin arxasında Rusiya XİN rəhbəri Sergey Lavrov və onun komandasının dayandığı ehtimal edilir. Məqsəd Rusiya-Azərbaycan münasibətlərini gərginləşdirmək və bu yolla Qarabağın dağlıq hissəsinin Azərbaycandan qoparılması cəhdi ola bilər. Belə ki, Putinin sevimlisi olan Sergey Lavrovun Rusiya XİN-i Ermənistanın filialına çevirdiyi barədə mətbuatda kifayət qədər yazılıb və onun 2016-cı il aprel savaşlarında Azərbaycanın qələbəsinə mane olması təkzib edilməz sübutlardandır. O vaxt Azərbaycana müxtəlif vədlər verərək qısa müddətdə işğal altında olan 7 rayondan 5-nin boşaldılacağını deyən Lavrov sonra müxtəlif bəhanələrlə buna əməl etmədi. Buna paralel olaraq Lavrovun təşəbbüsü ilə fransalı hərbi mütəxəssislər işğal altındakı ərazilərə cəlb edilərək Füzulidə, Ağdamda Ağdərədə və digər yerlərdə keçilməz müdafiə-istehkam qurğuları inşa etdilər.

Oxuməni.az xəbər verir ki, Rusiya Dövlət Dumasının daha bir deputatı, Müdafiə komitəsi sədrinin müavini Aleksandr Şerin Azərbaycan və Yaponiyaya qarşı təxribat xarakterli fikirlər səsləndirib. Belə ki, o, Rusiyanın “Realist” İnformasiya Agentliyinə müsahibəsində hər iki ölkə haqqında təhdid xarakterli fikirlər səsləndirib.

Mövzu ilə bağlı Milli Məclisin deputatı, Yeni Azərbaycan Partiyası (YAP) İdarə Heyətinin üzvü Cavid Osmanov “Report”a deyib ki, bir neçə gün bundan öncə Rusiya Dumasının deputatı Mixail Delyaginin və Aleksandr Şerinin Azərbaycana qarşı təxribat və təhdid xarakterli fikirlər səsləndirmələrinin arxasında bəzi qüvvələr durur:

“Həmin qüvvələr Azərbaycanla Rusiya arasında olan münasibətləri pozmağa çalışırlar. Şerin müsahibəsində iddia edib ki, hazırkı prosesdə fürsətdən istifadə edən bəzi dövlətlər Rusiya ilə münasibətləri gərginləşdirməyə çalışır, “bəzi həll olunmamış ərazi məsələləri ilə bizi şantaj edirlər”. İlk növbədə həmin deputata xatırladım ki, Prezident, Ali Baş Komandan İlham Əliyevin rəhbərliyi ilə Azərbaycan 44 günlük Vətən müharibəsində tarixi qələbə qazanaraq öz ərazi bütövlüyünü təmin edib. Onu da xatırladım ki, Azərbaycan, Rusiya və Ermənistan dövlət başçıları 10 noyabr 2020-ci il tarixli Üçtərəfli Bəyanat da imzalayıblar. Yaxşı olardı ki, həmin deputat Azərbaycana qarşı təhdid dolu fikirlər səsləndirmək əvəzinə, Ermənistanın Rusiyaya qarşı hörmətsizliyini etiraf edərdi və Üçtərəfli Bəyanatın 4-cü bəndinə diqqət yetirərdi. Orada qeyd edilib ki, Rusiya sülhməramlı kontingenti həmin ərazilərə erməni silahlı qüvvələrinin çıxarılması ilə paralel şəkildə yerləşdirilməlidir. Lakin təəssüf ki, onlar bu günə qədər bu öhdəliklərini yerinə yetirməyiblər. Şerin bu məsələyə diqqət yetirərək Ermənistanın Rusiyaya hörmətsizliyini deməli idi”.

Deputat xatırladıb ki, A.Şerin müsahibəsində Azərbaycanı “Kalibr” və “İsgəndər” raketləri ilə hədələyib:

“Maraqlıdır ki, onun bu açıqlaması həmkarının dedikləri ilə üst-üstə düşür. Mixail Delyagin də ölkəmizin neft sənayesini raketlərlə vurmağa çağırışını etmişdi. Aleksandr Şerin bu fikirləri ilə 2020-ci il noyabrın 10-da imzalanmış üçtərəfli bəyanata və “Azərbaycan Respublikası ilə Rusiya Federasiyası arasında müttəfiqlik qarşılıqlı fəaliyyəti haqqında Bəyannamə”nin əksinə çıxmaqla Rusiya Prezidentinə qarşı çıxdığını göstərir”.

Qısa bir müddət ərzində Rusiyanın iki yüksək səviyyəli Duma rəsmiisnin Azərbaycanı təhdid etməsi isə göstərir ki, Rusiyada Azərbaycan əleyhinə təblğat aparanlar hansısa vahid mərkəzdən idarə olunurlar. Bu vahid mərkəzin məhz əslən erməni olan və Rusiyanın deyil, Ermənistanın maraqlarını müdafiə edən və dəstəkləyən Sergey Lavrov və komandası tərəfindən yaradıldığı və idarə olunduğu istisna edilmir...