SON DƏQİQƏ:"Eurovision-2012"-nin iştirakçıları Norveçin təşkil etdiyi gecəyə yığışdılar
Hal-hazırda Azərbaycan Dövlət Filarmoniyasında Norveç Krallığının Konstitusiya Günü münasibətilə ziyafət keçirilməkdədir. Oxumeni.az-ın hadisə yerində olan müxbirinin verdiyi məlumata görə, tədbirdə sözügedən ölkənin səfirliyinin dəvəti ilə bir çox ölkələrin Azərbaycandakı diplomatik nümayəndələri, hökumət və dövlət xadimləri, incəsənət adamları, tanınmış şəxslər, ziyalılar iştirak edirlər. Onu da əlavə edək ki, məclisə həmçinin "Eurovision-2012" üçün təşrif buyurmuş bir çox ölkələrin təmsilçiləri, xarici jurnalistlər, yerli və əcnəbi telekanalların nümayəndələri də dəvətlidirlər. Dəvətlilər arasında builki təmsilçimiz Səbinə Babayeva da var.
Bu dəqiqələrdə "Eurovision-2009" yarışmasının qalibi Andrey Rıbak yeni mahnıları ilə qonaqların qarşısında çıxış edir.
O.M.
