“Eurovision-2012”-də “Бурановские бабушки (Buranovo Nənələri)” öndə gedir

17 May 2012 10:15

Bəyəndim (0) Bəyənmədim (0)

İlkin səsverməyə görə, birinci yarımfinalda Rusiya, ikincidə isə Ukrayna birincidir

"Eurovision-2012"-də "Бурановские бабушки (Buranovo Nənələri)" öndə gedir

İlkin səsverməyə görə, birinci yarımfinalda Rusiya, ikincidə isə Ukrayna birincidir

Eurovision Mahnı Müsabiqəsi Mətbuat Mərkəzinin ənənəvi səsverməsi bu il də keçirilir. Eurovision.az saytı xəbər verir ki, fanatlar və mətbuat nümayəndələri arasındakı səsvermədə iki gün ərzində 200-dən çox şəxs iştirak edib. "Ogae Azərbaycan"ın prezidenti Fariz Qasımlı deyib ki, bu göstərici iki gün üçün çox yaxşı nəticədir və jurnalistlər, fanlar səsvermədə iştirak etməkdən məmnundurlar.

Hazırda fanatlar və media mayın 22-də keçiriləcək birinci yarımfinal və mayın 24-də keçiriləcək ikinci yarımfinalda çıxış edəcək ölkələrin finala keçmə şansını dəyərləndirir.

Bu vaxtadək olan nəticələrə əsasən, birinci yarımfinalda Rusiya təmsilçiləri "Buranovskiye babuşki" (134), ikinci yarımfinalda isə Ukrayna (99) birincidir.

I yarımfinal			II yarımfinal
1.	Rusiya	134	1.	Ukrayna	99
2.	Rumıniya	125	2.	İsveç	96
3.	Yunanıstan	122	3.	Serbiya	91
4.	Kipr	117	4.	Türkiyə	91
5.	İslandiya	113	5.	Norveç	89
6.	İrlandiya	110	6.	Malta	75
7.	Moldova	101	7.	Belarus	73
8.	Danimarka	99	8.	Makedoniya	72
9.	İsveçrə	97	9.	Estoniya	71
10.	İsrail	95	10.	Sloveniya	70
11.	Albaniya	93	11.	Bolqarıstan	63
12.	Latviya	88	12.	Niderland	62
13.	Avstriya	83	13.	Bosniya və Herseqovina	59
14.	Macarıstan	83	14.	Gürcüstan	58
15.	San Marino	69	15.	Portuqaliya	58
16.	Belçika	68	16.	Litva	55
17.	Finlandiya	68	17.	Xorvatiya	54
18.	Çernoqoriya	55	18.	Sloveniya	44

Qeyd edək ki, birinci yarımfinalın fan və mətbuat səsverməsi mayın 22-də saat 21.00-da, ikinci yarımfinalın fan və mətbuat səsverməsi isə mayın 24-də saat 21.00-da başa çatır. Bu səsvermə yalnız ümumi rəyi öyrənmək xarakteri daşıyır və ümumi nəticələrə təsir etmir.

O.M.