Dünyanın ən gözəl 10 varlı qadını

Richests.com saytı sadəcə gözəllikləri ilə deyil, sərvəti ilə də məşhur olan qadınların siyahısını hazırlayıb.

"Qafqazinfo" Dünyanın ən gözəl 10 varlı qadınının siyahısını təqdim edir:

1. İvanka Tramp

Keçmiş biznesmen, ABŞ-ın hazırkı prezidenti Donald Trampın qızı. Bir vaxtlar modellik edən İvankanın öz brendi də var. Son vaxtlar atasının səyahətlərində onun məsləhətçisi rolunda çıxış edir. Ağ Ev tarixinin ən gözəl qadınlarından sayılır.

2. Cosi Ho

Makaunun ən böyük qumarxanalarının sahibi Stenli Honun qızı Cosi Çində məşhur aktrisa və müğənnidir. Stenlinin 17 uşağından biri olan Cosi atasının nəhəng sərvətinin varislərindən biridir.

3. Amanda Herst

Media maqnatı Uilyam Randolf Herstin ikinci nəsil nəvəsidir. Amanda həm model, həm də redaktordur. Ailəsinin "Hearst Corporation" şirkətindən asılı həyat yaşamasa da, var-dövlətinin böyük qismini məhz valideynlərinə borcludur.

4. Corcina Blumberq

Amerikalı siyasətçi və iş adamı Maykl Blumberqin qızıdır. Corcina yaşıdlarından fərqli olaraq, pulunu xeyriyyə dərnəklərinə xərcləyir. Gecə həyatı yerinə, atlarla vaxt keçirməyi sevir. 18 milyon dollar sərvəti olduğu deyilir.

5. Holli Branson

Milyarder Riçard Bransonun qızıdır. Holli 400-dən çox şirkətin səhmdarıdır. Tibb üzrə təhsil alan Branson atasının "Virgin Group" şirkətində yaşayır.

6. Dilan Lauren

Məşhur dizayner Ralf Laurenin qızıdır. Dilan Nyu-Yorkda açdığı və dünyanın ən böyük şirniyyat mağazası olan "Dylan’s Candy Bar"ın sahibidir.

7. Vanişa Mittal

Hindistanlı milyarder Lakşmi Mittalın qızı olan Vanişa 2004-cü ildəki toyu ilə dünya gündəmi olmuşdu. Milyonlar xərclənən toy "Dünyanən ən bahalı ikinci toyu" hesab edilir. Vanişa atasının "Mittal Group" şirkətinin idarəçilərindən biridir.

8. Aerin Louder

Məşhur kosmetika brendi "Estee Lauder"in qurucusunun nəvəsidir. Şirkətin 16 %-nə - ən az 1 milyard dollar sərvətə malikdir.

9. Anna Anisimova

Rus şaxtaçılar kralı Vasili Anisimovun qızıdır. Anna "Rusiyanın Peris Hiltonu" adlandırılır. 3,4 milyardlıq sərvətin sahibi olacaq Anna ABŞ-da yaşayır və gecə həyatı ilə məşhurdur.

10. Culiya Dreyfus

"Emmi" və "Qızıl Qlobus" mükafatlarının sahibi olan Dreyfus "Seinfeld" serialında 1990-1998-ci illərdə canlandırdığı Elaine Benes obrazı ilə məşhurdur. Fransız milyarderin qızı olan Culiyanın sərvəti 3,4 milyard dollardır.