"Baxıram telekanallara, əxlaqsızlıq gedir"
Bu sözləri prodüser Sultan Mustafayev "Space" telekanalında yayımlanan "El bizim, sirr bizim" tok-şousuna qonaq olarkən deyib.
O, verilişdə bəzi şou-biznes nümayəndələrinə atmacalar atıb, onları sərt tənqid edib: "Baxıram telekanallara, əxlaqsızlıq gedir. Biri ayağanı qoyur ayağının üstünə, deyir ki, "Məndən başqası yalandır". Küçədə səndən də yaxşıları var. Mənim 33 yaşım var. Ustadlardan dərs almışam.
Türkiyədə yaşayıram və Azərbaycan şou-biznesini izləmirəm. Müğənnisənsə sənətini göstər, mənə qıçını, paltarını, corabını niyə göstərirsən? Budur bunların səviyyəsi. Camaata ancaq bunu göstərirlər".
