Pikassonun əsərləri milyon dollarlara satılıb
Londonda Christies hərracında ispan rəssamı Pablo Pikassonun firçasına məxsus üç portret 67,6 milyon dollara satılıb. Rəssamın
sevgilisi və modeli olan fransalı Mariya-Tereza Balteri təsvir etdiyi
"Yatan qız" əsəri 21,7 milyon dollara alınıb.
2010-cu ildə
"Yatan qız" naməlum kolleksiyaçı tərəfindən Sidney Universitetinə
bağışlanmışdı. O şərtlə ki, şəkil hərraca qoyulsun və ondan alınan
gəlir universitetin elmi tədqiqatlarına və inkişafına yönəldilsin.
1939-cu ildən əsər heç bir yerdə nümayiş etdirilməyib.
28,9
milyon dollara satılan "Mavi paltarda əyləşən qadın" əsərində Pikassonun
başqa bir rəfiqəsi - fransalı rəssam və fotoqraf Dora Maar təsvir
olunub. Pikassonun1944-1953-cü illərdə rəfiqəsi olan fransalı
rəssam Fransuaza Jiloya həsr etdiyi "Fransuazın büstü" əsəri isə
hərracda 17 milyon dollara satılıb.
Hərracda satılan şəkillər
içərisində Pol Qoqenin "Vadi" əsəri 19 milyon dolllara, Pyer-Oqyust
Renuarın "Çılpaq uzanan qadın" və Rene Maqrittin "Səyahət haqqında
xatirələr" əsəri 8 milyon dollara alınıb. 21
iyunda Christies impresionistlər və müasir incəsənət hərracında 227
milyon dollar (140 milyon funt sterlinq) məbləğində lot satılıb.
Pikassonun
fırçasından çıxmış və Mariya-Tereza Valterə həsr edilən "Büst və yaşıl
yarpaqlar fonunda çılpaq qadın" portretinin qiyməti incəsənət
nümunələrinin satışı tarixində 2010-cu ildə rekord müəyyən edib.
Naməlum kolleksiyaçı Christies hərrac evində bu əsəri 106,5 milyon
dollara alıb.
Könül Aypara