Pink Floyd yarım əsrdən sonra əfsanəvi "Wish You Were Here" mahnısına videoçarx buraxıb

Britaniyalı Pink Floyd qrupu ən məşhur kompozisiyalarından biri olan "Wish You Were Here" mahnısına rəsmi videoçarx təqdim edib.
Oxuməni.az-ın məlumatına görə, bu barədə daily.afisha.ru yazıb.
Klipin buraxılışı 2025-ci ilin dekabr ayının əvvəlində yenilənmiş rəqəmsal və fiziki formatlarda yenidən nəşr olunan eyniadlı albomun 50 illik yubileyinə təsadüf edir. Klipin vizual hissəsi simvolik və psixodelik obrazların kolajından ibarətdir.
O, ay kadrı ilə başlayır, sonra tamaşaçı sürreal təsvirlər axınına qərq olur: yumurtahüceyrəyə doğru irəliləyən sperma, alov içində olan göz və qaranlıqda işıqlar. Bu abstrakt səhnələr arxiv qara-bəyaz kadrlarla qarışır.
Yubileyi qeyd etmək üçün qrup Böyük Britaniyada, Avropada və ABŞ-da bir sıra pop-ap mağazaları təşkil edib, burada digər məhsullarla yanaşı, "Brain Damage" fan-zininin eksklüziv nəşri də satılır. Həmçinin, britaniyalı komediya aktyoru və rəssamı Noel Fieldinq, qrupun qurucusu Sid Barrettdən ilhamlanaraq "Shine on You Crazy Diamond" epik kompozisiyasının yenidən nəşri şərəfinə bir sıra rəsmlər yaradıb.

Almaz Həsənli