.jpg)
Poeziya buketi, nəğmə çələngi
ƏN GÖZƏL TƏSADÜFÜMSƏN
Sən mənim ömrümə bir sevinc payım,
Bir təsadüf bilim, bir qismət sanım?
Mənə doğma oldun, olarkən yadım,
Sən mənim ən gözəl təsadüfümsən.
***
Bəzən incidiyim, bəzən küsdüyüm,
Bəzən də sənsiz hey əzab çəkdiyim.
Birlikdə var olub üzüm güldüyüm,
Sən mənim ən gözəl təsadüfümsən.
***
Puç olan sevgilər qayıtmır geri,
Sədaqət göstərməz vəfasız biri.
Varlığın qəlbimdə son ümid yeri,
Sən mənim ən gözəl təsadüfümsən.
***
Nələr çəkmədi ki, nələr bu başım,
Sevgi istəmişdim, heç yaşanmamış.
İnanmaq çətindir, amma yaşadım,
Sən mənim ən gözəl təsadüfümsən.
***
Səndən uzaqlarda xəyala daldım,
Bəzən də ruhumla sənə sarıldım.
Eşqinlə bağlıdır peymanım, andım,
Sən mənim ən gözəl təsadüfümsən.
***
Sevinclə döyünsün daim qəlbimiz,
Bizdən uzaq olsun dərdi-sərimiz.
Dillərdə söz olsun bizim sevgimiz,
Sən mənim ən gözəl təsadüfümsən.
Pərvin Həsrətli
.jpg)
