Poeziya buketi, nəğmə çələngi

Elvin Ramizoğlu

QAYTARDIN

(İlham Əliyev cənablarına)

Siyasətin, cəsarətin, hünərin,

Qarabağı özümüzə qaytardı.

Tarix yazdın, yenilədin tarixi,

Şərəf dolu günümüzə qaytardın.

***

Qazandırdın bizə ali zəfəri,

Nura döndü gecələrin səhəri.

Azad etdin neçə kəndi, şəhəri,

Cığır açıb izimizə qaytardın.

***

Şəhidlərim kəfən bildi bayrağı,

Yaxın etdik otuz illik uzağı.

Əldə etdik biz müqəddəs torpağı,

Obamıza, elimizə qaytardın.

HEYDƏR BABA

(Ulu öndər Heydər Əliyevin 96-cı ildönümünə həsr edirəm).

Vətənin dar günündə,

Yetişdin Heydər baba.

Sən dirçəltdin milləti,

Ey ulu öndər baba.

***

Qorudun bu milləti,

Xalq firavan yaşadı.

Ürəyində hər zaman,

Azərbaycan yaşadı.

***

Hər nitqin, hər çıxışın,

Böyük məna daşıyır.

Adın xalqın əbədi,

Ürəyində yaşayır.

***

Həmişə bu vətənlə,

Adın çəkilir qoşa.

Tarix yazdın, yaratdın,

Tarixlərdə yüz yaşa.

***

Çiçəklənir ölkəmiz,

Yurdumuz, Heydər baba.

Rahat yat, rahat uyu,

Bizimdir zəfər baba!

Hazırladı İsa Rəvan