“Arşın mal alan ” yenidən səhnələrdə nümayiş olunacaq

"Arşın mal alan" yenidən səhnələrə qayıdacaq. Bu dəfə musiqili komediya Azərbaycanla yanaşı Avropa ölkələrində də nümayiş olunacaq.

Mədəniyyət və Turizm Nazirliyinin qeyri-maddi mədəni irsin təbliği və təşviqi layihəsi üzrə UNESCO çərçivəsində Azərbaycan milli operasının banisi Ü. Hacıbəylinin "Arşın mal alan" musiqili komediyasını siyahıya təqdim edib.

Operanın 100 illik yubileyi 2012-2013-cü illərdə UNESCO çərçivəsində ildönümü qeyd ediləcək siyahıya əlavə edilib. Azərbaycan mədəniyyətini, musiqisini, mədəni və ümumbəşəri dəyərləri əks etdirən, mühüm əhəmiyyətə malik bu əsərin yubileyi ilə əlaqədar UNESCO-nun qərargahında konsert, sərgi və digər mədəniyyət tədbirlərinin keçirilməsi nəzərdə tutulur.

Qeyd edək ki, UNESCO-ya üzvlük çərçivəsində Mədəniyyət və Turizm Nazirliyi digər mühüm əhəmiyyətli tarixi hadisələrin və görkəmli şəxsiyyətlərin ildönümlərinin bu təşkilat çərçivəsində qeyd edilməsi ilə bağlı müvafiq işlər görməkdədir.

Necə deyərlər, 3 manat pul, 1 kəllə qənd, vəssalam-şüttamam...

Elvin Babayev

O.M.