Türkiyəli diplomatı qətlə yetirən Mazlum Dağ PKK terrorçusudur

19 İyul 2019 15:26

Bəyəndim (0) Bəyənmədim (0)

Türkiyənin İraqın Ərbil şəhərindəki Baş konsulluğunda xidmət edən 38 yaşlı diplomat Osman Köse və iki iraqlını qətlə yetirən cinayətkar dəstə üzvlərindən biri Mazlum Dağ adlı şəxsdir.

İraqın təhlükəsizlik qüvvələri cinayətkar dəstənin axtarışını davam etdirir. İlkin araşdırma zamanı müəyyən olunub ki, qətlin birbaşa iştirakçılarından olan M.Dağ Türkiyənin Diyarbəkir bölgəsində doğulub və hazırda orada pasport qeydiyyatındadır. Onun axtarışda olduğu bildirilir. Hələlik axtarışın səbəbi barədə rəsmi açıqlama olmasa da Mazlum Dağın PKK terrorçusu olması şübhə doğrumur.

Qeyd edək ki, Osman Köse iyulun 17-də Ərbildə yemək vaxtı silahlı şəxslər tərəfindən iki iraqlı ilə birlikdə qətlə yetirilib. İlkin məlumatda görə, planlı şəkildə həyata keçirilən qətldə 4 nəfər iştirak edib. İraq hökumətinin açıqlamasına görə, cinayətkarların tapılması üçün əməliyyat-axtarış işləri davam edir. Türkiyə və İraq tərəfləri qətlin terror aktı olduğunu bildiriblər.( xezerxeber)