Rusiyada ermənilərdən ibarət qruplaşmanın üzvləri yaxalanıb

8 Fevral 2019 06:33

Bəyəndim (0) Bəyənmədim (0)

Rusiya polisi bu ölkədə qanunsuz fəaliyyətlə məşğul olan, ermənilərdən ibarət 19 nəfərlik cinayətkar qruplaşmanın üzvlərini yaxalayıb.

Polis Rostov vilayətində məşhur "Raffaello" markasından olan şirniyyatların saxta istehsalı ilə məşğul olan sexi aşkar edib. İlkin məlumata görə, saxta şirniyyatları Rusiya Federasiyası ərazisində qanunsuz yaşayan Ermənistan vətəndaşlarından ibarət qruplaşma istehsal edib.

Fevralın 6-da, hüquq-mühafizə orqanlarının əməkdaşları "Raffaello" nişanı ilə konfetlərin qanunsuz istehsalı ilə məşğul olan cinayətkar qruplaşmanın üzvlərini Rostov vilayətinin Myasnikovsk rayonunda yaxalayıblar. Cinayətkarlar şirniyyat məhsullarının istehsalını Kalinin qəsəbəsində təşkil ediblər.

Faktla bağlı operativ-axtarış tədbirləri davam etdirilir. Rusiya polisi gizli və qanunsuz təşkilatın cinayətkar sxemi ilə bağlı sənədləri toplayır və onun bütün üzvlərinin şəxsiyyətlərini müəyyənləşdirir. (report)