
Bakıda "Connect TV" mağazasına basqın oldu
Xətai Rayon Prokurorluğundan verilən məlumata görə, bu gecə saat 04.00 radələrində rayonun Xudu Məmmədov küçəsi-29 ünvanında yerləşən "Connect TV" şirkətinə məxsus mağazada qarət hadisəsi qeydə alınıb. Mağazaya daxil olan 3 naməlum şəxs orada mühafizəçi işləyən 30 yaşlı Rufiz Süleyman oğlu Axundzadənin əl-qolunu bağlayaraq dükandan 10 min manat miqdarında pulu götürüb, hadisə yerindən qaçıblar.
Hazırda polis hadisəni törədən şəxslərin müəyyən edilərək tutulması istiqamətində əməliyyat axtarış tədbirlərini davam etdirir.
O.M.
Digər xəbərlər