FHN əməkdaşı Ağdamda həlak oldu

10 Dekabr 2011 19:57

Bəyəndim (0) Bəyənmədim (0)

Ağdamın Quzanlı kəndi ərazisində ölümlə nəticələnən yol-nəqliyyat hadisəsi baş verib. Borsunlu-Hindarx yolunun Ağdam rayonu ərazisindən keçən hissəsində "VAZ-2107" və "Mercedes" markalı avtomobillərin toqquşması nəticəsində iki nəfər - Ağdam rayon sakinləri Anar Hüseynov və Xankişi Ağayev həlak olublar.

Digər iki nəfər isə ağır bədən xəsarətləri ilə Ağdam rayon mərkəzi xəstəxanasına çatdırılıb. Həlak olanlardan biri - Xankişi Ağayev Fövqəladə Hallar Nazirliyinin (FHN) Dövlət Yanğın Təhlükəsizliyi Xidmətinin Ağdam rayon şöbəsinin əməkdaşıdır.
Hadisə ilə bağlı Ağdam rayon Polis Şöbəsi tərəfindən araşdırma aparılır.

O.M.