Bakıda 2 minə killer tutub arvadını öldürdən şəxsə cəza istənildi

Bakıda boşandığı arvadına mülk vermək istəməyən və onun öldürülməsini sifariş etməkdə təqsirləndirilən şəxsin cinayət işi üzrə məhkəmə prosesi davam etdirilib.

Musavat.com xəbər verir ki, proses Bakı Ağır Cinayətlər Məhkəməsində hakim Şəkər Məmmədovanın sədrliyi ilə keçirilib. Məhkəmə prosesi qapalı olmasa da jurnalistlər zaldan çıxarılıb. Bunun hakimin istəyi olduğu bildirilib.

Prosesdə dövlət ittihamçısı çıxış edib.

Prokuror qətli törətməkdə təqsirləndirilən Elşad Həsənova və sifarişçi olmaqda təqsirləndirilən Rüstəm Rzayevə iş istəyib.

Dövlət ittihamçısı hər iki şəxsin 20 il müddətinə azadlıqdan məhrum edilməsini istəyib.

Məhkəmə prosesi oktyabrın 18-də davam etdiriləcək.

Hadisənin təfərrüatı ilə bağlı qeyd edək ki, qətlin sifarişçisi Rüstəm Rzayev sahibkarlıq fəaliyyəti ilə məşğul olub. Onun Zabrat-Maştağa yolunun üstündə ticarət obyekti var və o, əsasən meyvə-tərəvəz məhsullarının topdan satışı ilə məşğul olurmuş.

Həyat yoldaşı Sevil Rzayeva ilə münasibətlərində problem yaranan R.Rzayev ondan ayrılmağa qərar verib. 2016-cı il, yanvar ayının 18-də məhkəmə onların boşanması ilə bağlı məsələyə baxacaqmış. Ərinin ondan boşanmasında israrlı olduğunu görən mərhum Sevil Rzayeva həyat yoldaşından ona məxsus evdən və obyektdən pay verməsini tələb edib.

R.Rzayev bundan sonra qətli planlaşdırıb. Çünki R.Rzayev arvadına boşandıqdan sonra mülklündən pay vermək istəməyib. Bu məqsədlə də ər 48 yaşlı arvadının qətlə yetirilməsi üçün Elşad Həsənova 2 min manat verib. Qadın yaşadığı mənzildə qətlə yetirilib.

Mediainfo.az