Bakının 2-ci Zabrat qəsəbəsində ağacın dibində basdırılmış silahlar tapıldı
Ədliyyə Nazirliyi Penitensiar xidmətinin əməliyyat aparatının müxtəlif cinayətlərin üstünün açılması istiqamətində respublikanın hüquq-mühafizə orqanları ilə qarşılıqlı əməkdaşlığı davam edir. Penitensiar xidmətin İctimaiyyətlə əlaqələr şöbəsinin yaydığı məlumata görə, 02.10.2016-cı il tarixdə Ədliyyə Nazirliyi Penitensiar xidmətinin Baş idarəsinin və 3 saylı istintaq təcridxanasının əməliyyat aparatlarının Bakı şəhəri Sabunçu rayon Polis İdarəsinin əməkdaşları ilə birgə keçirdikləri əməliyyat tədbiri nəticəsində Sabunçu rayon 2-ci Zabrat qəsəbəsində fərdi yaşayış evinin daş hasarının çöl tərəfindəki ağacın dibində basdırılmış 1 ədəd "Super-PP 2/94" və 1 ədəd "MP-654K" tipli 4,5 kalibrli tapança aşkar edilərək götürülüb.
Fakt üzrə Bakı şəhəri Sabunçu rayon Polis İdarəsində araşdırma aparılır.
Mediainfo.az
