Azərbaycanda bizneslə məşğul olan qadın həbs edildi

12 Aprel 2016 12:24

Bəyəndim (0) Bəyənmədim (0)

"Topstap LTD"-nin rəhbəri dələduzluqda təqsirləndirilir

Mediainfo.az xəbər verir ki, Daxili İşlər Nazirliyi dələduzluq etməkdə şübhəli bilinən qadın iş adamı ilə bağlı məlumat yayıb. Belə ki, "Topstap LTD" MMC-nin təsisçisi Mətanət Həsənova ötən ilin noyabrından bu ilin mart ayınadək olan müddətdə ayrı-ayrı vətəndaşları adıçəkilən cəmiyyətin nəzdindəki tədris mərkəzinə işə düzəltmək adı ilə aldadaraq onların xeyli miqdarda pullarını dələduzluq yolu ilə ələ keçirib.

Faktla bağlı Daxili İşlər Nazirliyinin Baş İstintaq və Təhqiqat İdarəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanıb və Mətanət Həsənova şübhəli şəxs qismində tutulub.

Hazırda faktla bağlı istintaq davam etdirilir.

Mediainfo.az