![Quldur dəstə ifşa edilib](http://oxumeni.az/media/news/2015/09/photo_41610.jpg)
Quldur dəstə ifşa edilib
Azərbaycanda soyğunçuluq və oğurluqda şübhəli bilinən şəxslər tutulub.
Daxili İşlər Nazirliyi saytın;n verdiyi məlumata görə, Suraxanı rayon Polis İdarəsi 31-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində sentyabrın 2-də Sultan Sultanlının mobil telefonunu soyğunçuluq yolu ilə almış Bakı şəhər sakini, əvvəllər məhkum olunmuş Emil İsmayılov tutulub.
Lənkəran şəhər Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində isə sentyabrın 5-də Nilufər Əliyevanın qızıl sırğasını soyğunçuluq yolu ilə almış şəhər sakini Zəki Quliyev saxlanılıb.
Suraxanı və Biləsuvar rayonlarında isə oğurluqda şübhəli bilinən şəxslər tutulub. Suraxanı rayon Polis İdarəsi 31-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində cari il yanvarın 2-də İbrahim Salayevin mobil telefonunu oğurlamış Bakı şəhər sakini Heydər Əmrahov tutulub.
Biləsuvar rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində isə ötən il dekabrın 4-də Mətanət Səlifovanın evindən 250 manat pul və qızıl əşyalar oğurlamış Cəlilabad rayon sakini Xanımgül Təhməzova saxlanılıb.
Hər bir faktla bağlı araşdırma aparılır.
Mediainfo.az