Qıza qarşı cinayət törədən “zek” tutuldu

Qıza qarşı cinayət törədən “zek” tutuldu

28 Aprel 2015 15:25
Bəyəndim (0) Bəyənmədim (0)

Bakının Binəqədi rayonunda cinayət hadisəsi baş verib.

Bakı Şəhər Baş Polis İdarəsindən verilən məlumata görə, hadisə aprelin 26-da S.S.Axundov küçəsində yerləşən çay evində qeydə alınıb.

Bakı şəhər sakini İntizar Süleymanovanın içərisində 1187 manat, şəxsiyyət vəsiqəsi və 3 ədəd bankomat kartı olan pul kisəsi oğurlanıb.

Binəqədi Rayon Polis İdarəsinin 5-ci bölməsi əməkdaşlarının keçirdiyi əməliyyat-axtarış tədbirləri nəticəsində cinayəti törədən müəyyənləşib. Cinayəti törədən Bakı şəhər sakini, əvvəllər məhkum olunmuş 1979-cu il təvəllüdlü Anar Kərimovdur. O, həbs edilib.

Faktla bağlı araşdırmalar davam etdirilir.

Mediainfo.az