18 yaşlı qızın ölümünə səbəb olan klinikada araşdırma gedir

16 Aprel 2015 13:44

Bəyəndim (0) Bəyənmədim (0)

18 yaşlı Leyla Mürsəlovanın öldüyü özəl klinika bağlanıb, Səhiyyə Nazirliyi araşdırmalarını davam etdirir.

Virtualaz.org saytı xəbər verir ki, nazirlikdən verilən məlumata görə, klinikanın fəaliyyəti ilə bağlı qərar araşdırma başa çatandan sonra veriləcək.

Qeyd edək ki, Azərbaycan Maliyyə-İqtisad Kollecinin tələbəsi, 18 yaşlı Mürsəlova Leyla Namiq qızının plastik əməliyyat olunarkən öldüyü "StarMed" klinikasının fəaliyyəti dayandırılıb. Səhiyyə Nazirliyi hələ də araşdırmalarını davam etdirir.

Martın 17-də ölüm faktı ilə bağlı Yasamal Rayon Prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi açılıb.

Leylanın narkozun dozasının yüksək olması səbəbindən öldüyü ehtimal edilir. Mərhumun həkimi cərrah Sənan Mehdiyev olub.

Mediainfo.az