Ata-bala yol polisini döyüb - FOTO

5 Mart 2015 11:37

Bəyəndim (0) Bəyənmədim (0)

Bakıda yol polisi ilə sürücü mübahisəsi insidentlə nəticələnib.

"Qafqazinfo"nun əldə etdiyi məlumata görə, Nərimanov rayonu, Ə.Rəcəbli küçəsində Bakı şəhər sakini 1991-ci il təvəllüdlü İlqar Əliyevin idarə etdiyi Mercedes markalı 99 GV 350 nömrəli avtomobillə yol hərəkəti qaydalarını pozduğuna görə Dövlət Yol Polisi İdarəsinin əməkdaşları tərəfindən saxlanılıb.

Bu zaman sürücü və maşındakı ailə üzvləri olan sərnişinlərlə polis əməkdaşları arasında mübahisə düşüb. Sonradan isə mübahisələr əlbəyaxa davaya çevrilib.

Həmin vaxt sərxoş olan sürücü İlqar Əliyev, atası İsmayıl Əliyev, qardaşı Fərid və Elşad Qasımov polis serjantı Rüfət Əlizadəni, polis baş serjantları Faiq Əhmədovu və Cavanşir Qasımovu döyərək xəsarət yetiriblər.

Mediainfo.az