
Voronejdə yerlilərlə azərilər dalaşdı: ölən var
Davada ölən və yaralananların olduğu bildirilir
Rusiyanın Voronej vilayətinin Sovet rayonunda yerli sakinlərlə Azərbaycan vətəndaşları arasında kütləvi dava düşüb. ANS-in Rusiya mətbuatına istinadən verdiyi xəbərə görə, davada 19 yaşlı Voronej sakini ölümcül bıçaq xəsarətləri alıb. Hadisə zamanı onun 3 dostunun və bir əcnəbi vətəndaşının yaralandığı bildirilir.
Hadisə "Praqa" adlı kafedə törədilib. Verilən məlumata görə kütləvi davaya səbəb kimi kafedə ofisianta edilən bir təklifdən sonra onun cəzalandırması göstərilir. Bıçaqlanma hadisəsindən sonra əcnəbilər avtomobilə minib hadisə yerindən uzaqlaşmaq istəyiblər. Amma polis onları tezliklə yaxalayıb.
Faktla bağlı cinayət işi açılıb. Ərazi üzrə polisi bölməsindən verilən açıqlamada, xəstəxanaya yerləşdirilənlərdən birinin reanimasiyada öldüyü bildirilib.
Qeyd edək ki, ilkin məlumata görə kütləvi davada 11 nəfər iştirak edib. Davanın 20-30 yaşlı gənclər arasında baş verdiyi bildirilir.