
Biznesmen-deputat qətlə yetirilib
Ukraynada deputat qətlə yetirilib. Avropa.info-nun "İnterfax" agentliyinə istinadən məlumatına görə, Ukraynanın Dnepropetrovsk vilayətinin Orconikidze şəhər sovetinin deputatı 58 yaşlı Sergey Polyakov dünən axşam saatlarında öz avtomobilinə minən zaman tapança ilə başından açılan atəşlə qətlə yetirilib. Hadisə deputatın kafedən çıxdığı zaman baş verib.
Hadisəni törədən şəxs isə hadisə yerindən qaçıb. Qətlə yetirilən deputat bir müddət "Front peremen" müxalifət partiyasına rəhbərlik edib, partiya buraxıldıqdan sonra isə müstəqil namizəd kimi fəaliyyət göstərib.
Deputat, eyni zamanda metal zavodunda direktor vəzifəsində çalışırmış.
Hüquq-mühafizə orqanları qətlin ilkin versiyası kimi iqtisadi-maliyyə variantını əsas götürür.
Digər xəbərlər