![Avtomobildən 20 min dollar oğurlanıb](/assets/images/white.jpg)
Avtomobildən 20 min dollar oğurlanıb
Bakıda avtomobildən külli miqdarda pul oğurlanıb.
Bakı şəhər Baş Polis İdarəsindən verilən məlumata görə, hadisə iyulun 3-də paytaxtın Puşkin küçəsində qeydə alınıb. İmişli rayon sakini Natiq Qarayevə məxsus "Ford" markalı avtomobildən şüşəni sındırma yolu ilə 20 min ABŞ dolları oğurlanıb.Nəsimi Rayon Polis İdarəsinin Cinayət Axtarış Şöbəsi, 22-ci Polis Bölməsi və Sumqayıt Şəhər Polis İdarəsi əməkdaşlarının keçirdiyi əməliyyat tədbirləri nəticəsində oğurluqda şübhəli bilinən Sumqayıt şəhər sakini Nicat Quliyev idarə etdiyi "Mercedes" markalı avtomobillə Sumqayıt şəhərində iyulun 4-də tutulub.Cinayətin digər iştirakçısı Cinayət Məcəlləsinin 177-ci (oğurluq) maddəsi ilə axtarışda olan Aqşin Əsədov isə iyulun 12-də yaxalanıb.Onun üzərinə baxış keçirilərkən 13 qramdan artıq həşiş qətranı aşkar edilib.
O.M.