Siciliya mafiyasının başçısı Matteo Messina Denaro vəfat edib

ANSA xəbər verir ki, 2023-cü ilin yanvarında həbs edilən Siciliya mafiya başçısı Matteo Messina Denaro 62 yaşında L'Aquila xəstəxanasında vəfat edib. Həkimlər sentyabrın 22-də Denaro beyninin öldüyünü elan etdilər. O, son kolon xərçənginə görə komaya düşüb.

Agentliyin məlumatına görə, son əməliyyatdan sonra mafiya başçısı ağrıkəsici və sakitləşdirici dərmanlarla müalicə olunub. Denaro komaya düşməzdən əvvəl bəzi ailə üzvləri ilə görüşüb.

Matteo Messina Denaro 26 aprel 1962-ci ildə Siciliyada anadan olub. O, cinayətkar karyerasına D'Ali ailəsinin silahlı mühafizəçisi kimi başlayıb. Onun yaxşı işinə görə ailəsi Denaroya mülk verdi. 2001-ci ildə Antonio D'Ali İtaliyanın daxili işlər nazirinin mütəşəkkil cinayətkarlıqla mübarizə üzrə müavini oldu və bu, gələcək mafiya başçısına siyasi dairələrdə əlaqələr əldə etməyə imkan verdi.

Ümumilikdə, ən mühafizəkar hesablamalara görə, Denaro 50 nəfəri öldürüb. O, şəxsən onun tərəfindən öldürülənlərlə bütöv bir qəbiristanlığı asanlıqla doldura biləcəyi ilə öyünürdü. Xüsusilə Denaro, 1992-ci ildə Siciliyada əsas anti-mafiya döyüşçüləri olan magistr hakimləri Covanni Falcone və Paolo Borsellinonun qətllərində iştirak edib.

1993-cü ilin yayından Denaro polisdən gizlənirdi. 2006-cı ilin aprelində o, Siciliya cinayətkar təşkilatı Cosa Nostra-nın liderlərindən biri oldu. O, 2023-cü il yanvarın 16-da Palermodakı özəl klinikalardan birində İtaliya kəşfiyyat xidmətlərinin keçirdiyi xüsusi əməliyyat zamanı həbs edilib.

Əziz Mustafa