Ukrayna Daxili İşlər Nazirliyinin keçmiş rəhbəri Arsen Avakovun evində axtarışlar aparılıb

Ukrayna Daxili İşlər Nazirliyinin keçmiş rəhbəri Arsen Avakovun evində axtarışlar aparılıb.

Oxuməni.az xəbər verir ki, müstəntiqləri Fransa istehsalı olan Airbus helikopterlərinin alınması ilə bağlı məlumat maraqlandırıb. Yanvarın ortalarında belə bir helikopterin qəzaya uğraması nəticəsində 14 nəfər həlak olub.

"Onlar helikopter qəzasından sonra, 6 il əvvəl" Airbus"dan alınmış müqavilələrə baxıblar. Təbii ki, heç bir qanun pozuntusu tapa bilməyiblər .O zaman müqavilələri hökumət və parlament təsdiqləyib. Mənasızca, formal olaraq bir versiyanı işləyiblər" - Avakov jurnalistlərə bildirib.

Arsen Avakov 2014-cü ildən 2021-ci ilə qədər Daxili İşlər Nazirliyinin rəhbəri vəzifəsində çalışıb, onu yanvarın 18-də Brovarı şəhərində (Kiyev vilayəti) "Airbus H225 Super Puma" helikopterinin qəzaya uğraması nəticəsində həlak olan Denis Monastırski əvəz etmişdi. Qəzanın səbəbləri hələ müəyyən edilməyib.

2016-cı ildə göyərtəsində iki pilot və 11 sərnişin olan "H225LP" helikopteri Norveç sahillərində qəzaya uğramışdır. Məlum olub ki, helikoter əsas rotorun sürət qutusundakı dişli çarxın sıradan çıxması səbəbindən qəzaya uğrayıb.

İstintaq zamanı mülki "H225" helikopterlərin uçuşu müvəqqəti qadağan edilib. Helikopterlərin bu elementində dəyişikliklər , yoxlamalar və iş rejimləri üçün yeni standartlar qəbul edildi.

2018-ci ildə Fransa və Ukrayna 50-dən çox helikopter almaq üçün 552 milyon avroluq müqavilə imzalayıb. Bu, Avakov daxili işlər naziri olanda baş verib.

Brovarıda qəzaya uğrayan helikopter 2020-ci ildə Ukraynaya gətirilib.

"SBU" faciənin üç əsas versiyasını nəzərdən keçirir, uçuş qaydalarının pozulması (pilot səhvi), helikopterin texniki nasazlığı və təxribat. Ukrayna Baş Prokurorluğunun satınalmalarda mənimsəmə və korrupsiya faktlarını araşdıran İdarəsi, müdafiə nazirliyinin dövlət satınalmaları və material ehtiyatlarının təchizat departamentinin direktor müavini Bohdan Xmelnitskiyə, müdafiə nazirinin keçmiş müavini Vyaçeslav Şapovalov və “Promoboroneksport” dövlət müəssisəsinin keçmiş rəhbərinin müavini Vladimir Tereşçenkoya qarşı şübhələr olduğunu bildirilib.

E.Axund, Oxuməni.az